Զեկույցներ

ՄԱԿ-ի համընդհանուր պարբերական դիտարկման շրջանակներում ներկայացված զեկույցներ

«Շահերի պաշտպաններ հանուն մարդու իրավունքների» (ԱՄՆ) և «Կանանց ռեսուրսային կենտրոն» ՀԿ (Հայաստան) հետ համատեղ զեկույց։ Զեկույցն անդրադառնում է Հայաստանում ընտանեկան բռնության օրենսդրական կարգավորման խնդիրներին և բացերին։ Տե՛ս ամբողջական ԶԵԿՈՒՅՑԸ։

Միասնական կովկասյան ամփոփագիր` Բեյջինգ + 25 պլատֆորմի 2019-ի հանդիպմանն ընդառաջ

Ամփոփագրում վերլուծվում է կովկասյան երեք պետություններում՝ Հայաստանում, Վրաստանում և Ադերբաջանում կանանց իրավունքների առաջխաղացման խնդիրները, գնահատում կառավարությունների աշխատանքները Բեյջինգ + 25 գործողությունների պլանի շրջանակներում։ Զեկույցը պատրաստվել է «Հավասարություն հիմա» (Մեծ Բրիտանիա) միջազգային կազմակերպության և երեք հանրապետություններից իրավապաշտպան կազմակերպությունների հետ համագործակցությամբ։ Տե՛ս ԱՄՓՈՓԱԳԻՐԸ։

ՄԱԿ-ի պայմանագրային մարմիններ ներկայացված զեկույցներ

2018 թ․-ի մայիսից մինչև 2019 թ․-ի սեպտեմբեր ՄԻՀԿ-ն՝ Եվրասիայի համագործակցության հիմնադրամի կողմից համակարգվող ծարգրի շրջանակներում իրականացրել մարզային իրավապաշտպան ՀԿ-ների հետազոտական կարողությունների զարգացում և տեղական կազմակերպությունների հետ համագործակցությամբ պատրաստել է 4 ալընտրանքային զեկույցներ, որոնք 2020 թ․-ին ներկայացվելու են ՄԱԿ-ի Երեխայի իրավունքների և Տնտեսական, սոցիալական և մշակութային իրավունքների կոմիտե՝ Կոմիտեների կողմից Հայաստանի դաշնագրային պարտավորությունների իրականացման գնահատմանն շրջանակներում։

Տե՛ս զեկույցների ամբողջական տարբերակները․

2023 թ․-ի հուլիս- սեպտեմբեր ամիսներին ՄԻՀԿ-ն անհատապես, ինչպես նաև Եվրասիայի համագործակցության հիմնադրամի և Իրավունքի զարգացման և պաշտպանության հիմնադրամի հետ համահեղինակությամբ պատրաստել և ՄԱԿ-ի Տնտեսական, սոցիալական և մշակութային իրավունքների կոմիտե է ներկայացրել 3 այլընտրանքային զեկույց: Զեկույցները ներկայացվել են Կոմիտեի 74-րդ նստաշրջանի ընթացքում քննարկվելու է ՄԱԿ-ի «Տնտեսական, սոցիալական և մշակութային իրավունքների մասին» դաշնագրով Հայաստանի ստանձնած պարտավորությունների իրականացման առաջընթացը՝ Հայաստանի զեկուցման 4-րդ շրջափուլի շրջանակներում (3-5 հոկտեմբերի, 2023 թ․)։

Հայաստանում 1988 թ․ երկրաշարժի հետևանքով անօևթանության մեջ հայտնված քաղաքացիների բավարար բնակարանային պայմաններու ունենալու իրավունքի իրացման վերաբերյալ (անհատական ներկայացում ՄԻՀԿ-ի կողմից)։

Զեկույցն անդրադառնում է Հայաստանում 1988 թվականի երկրաշարժի արդյունքում անօթևանության մեջ հայտնված քաղաքացիների բավարար բնակարանային պայմաններ ունենալու իրավունքի պաշտպանության խնդրին, կենտրոնանալով Շիրակի մարզի վրա:

2. Հայաստանում սոցիալական, տնտեսական և մշակութային իրավունքների պաշտպանության իրավիճակի վերաբերյալ (քաղաքացիական հասարակության համատեղ զեկույց)։

Զեկույցն անդրադառնում է խնտրականության արգելքի, աշխատանքի իրավունքի, առողջության իրավունքի (մասնավորապես՝ մաքուր օդի իրավունքի) և կրթության իրավունքի իրականացման խնդիրներին։ Զեկույցն անդարադառնում է նաև 2015 թվականի Սահմանադրական փոփոխությունների արդյունքում սոցիալական մի շարք իրավունքների պաշտպանության սահմանադրական երաշխիքների վատթարացման և առհասարակ վերացման խնդրին։

Զեկույցը պատրաստվել է Եվրասիա համագործակցություն հիմնադրամի, Մարդու իրավունքների հետազոտությունների կենտրոնի, <<Հաշմանդամություն ունեցող անձանց իրավունքների օրակարգ>> ՀԿ-ի, Իրավունքի զարգացման և պաշտպանության հիմնադրամի, և Երեխանի պաշտպանության ցանցի կողմից։

3. Հայաստանում աշխատանքի արդար և նպաստավոր պայմաններ ունենալու՝ յուրաքանչյուրի իրավունքի իրացման վերաբերյալ (համատեղ ներկայացում՝ Իրավունքի զարգացման և պաշտպանության հիմնադրամի հետ համահեղինակությամբ)։

Զեկույցն անդրադառնում է աշխատավայրում խտրականության արգելքին, արհեստակցական կազմակերպությունների անդամակցության սահմանափակումներին, գործադուլի իրավունքի սահմանափակումներին և հղի և կրծքող կերակրող կանանց համար աշխատանքի առողջ և անվտանգ պայմանների ապահվմանն առնչվող խնդիրներին։ Նշված խնդիրների թերի կարգավորման արդյունքում պետությունը չի ապահովել Դաշնագրի 2-րդ և 7-րդ հոդվածների շրջնակներում ստանձնած պատրավորությունները։